دااااب الحجر

دااااب الحجر

 

دااااب الحجر

ثورة رِجالك يامصر والعالم بها إنبهرْ

قامت الثوره والكل عايز دور ويِِشتَهَرْ

وللأسف ناس بتحط نفسها فيها وتِتحَشرْ

وطبعا مفيش مبادئ يخافوا إنها تِتْكَسرْ

مش مُهِم كان إيه أصلُهم محدِش بيفتَكرْ

نوع غريب بيركب كل موجه جايز يِنتَصرْ

رِِكِب الموجه حرامي عمل شيخ خفرْ

إذا كان اللي إسمه نظيف أصل القََذرْ

ونهبوا فلوسنا وآثارنا في شنطة سَفرْ

شعب طيب و بينسى وفقره زاد وإفتقرْ

جوع وبهدله وقلوبكم ياحكام علينا حَجرْ

بنعاني ومنهم ضهرك يامصري إنكسرْ

في ريف أو بدو وحتى كمان في الحضرْ

لازم لكل حكايه من بدايه وأصل وخَبرْ

تصدقوا إن فيه ناس بياكلوا ورق الشَجرْ

يجيبوا منين وخير بلدهم قدامهم إتهَبرْ

ومسئول يقول كلام وصورته عــ الخبرْ

الدنيا زي الفُل وبكره عـــ الفقر نِنتَصرْ

والعيشه هتبقى آخر جمال وبها نِفتَخرْ

بس مِن إمتى مسئول لــ كلامهُ بِيفتَكرْ

تدور عـ الحقيقه تلاقي الخبر ماله أثرْ

شهور طويله فاتت ولسه الشعب بيتقهرْ

زاد الفقر والناس في الطوابير زي المطرْ

بتقولوا الصبر؟ بصراحه الصبر مِنكُم كَفرْ

اقول لكم شئ وماتقولوا مصري منكم سَخرْ

بطون نطقت وصَرخِتْ شيلوا مِن عليا الحجرْ

كفايه حرام عليكم على بطنِنا داب الحَجرْ

كفايه بهدله ولااحنــا فـــــ نظركم مش بَشرْ

بقولهــا لكم دايما وهقولهــا من غير حَذرْ

المصري راجل جدع ودايما بمصريته يفتَخرْ

وربِ العزه يساعد المظلوم وبرحمته ينتِصرْ

بقلمي / هشــام